Saturday, 26 April 2014

VARAM THARUM VARADARAJA PERUMAL, NALLAATHUR

PUதுச்சேரி அருகேயுள்ள நல்லாத்தூர் வரதராஜப் பெருமாள் கோயில் வரப்பிரசாதியான பழமையான கோயிலாகும். வருடா வருடம் ஆண்டாள் கல்யாணமும், சீதா கல்யாணமும் வைபோகமாக நிகழ்த்தப்படுகிறது. இந்த வருடமும் 9.4.2014 அன்று விமரிசையாக ஸ்ரீ சீதா திருக்கல்யாண உற்சவம் நடக்கவுள்ளது. மாலை 6 மணியிலிருந்து ஸ்ரீராமரும், சீதையும் திருமணக் கோலத்தில் சந்நதி புறப்பாடும் அதைத் தொடர்ந்து மாலை மாற்றும் வைபவம், மாங்கல்ய தாரணம், அர்ச்சனை, தாம்பூலப் பிரசாதம் என நிகழ உள்ளன. 

இந்நிகழ்ச்சிகளின் பிரதான அம்சமே ராமர்- சீதை காப்புக்கயிறு கட்டிக் கொள்வதுதான். அதாவது, திருமணத்திற்காகக் காத்திருக்கும் ஆண், பெண் இருபாலாரும், இக்கோயிலில் சீதா திருக்கல்யாணத்தை ஒட்டி 11.4.2014, வெள்ளிக்கிழமை அன்று வழங்கப்படும் காப்புக் கயிற்றைக் கட்டிக் கொண்டால், விரைவில் திருமணம் முடியும் என்பது நீண்ட கால நம்பிக்கை. அன்று காலை 8 மணி முதல் 1 மணி வரையும், மாலை 4 மணி முதல் 8 மணி வரையிலும் காப்புக்கயிறு கட்டுவார்கள். புதுச்சேரி -கடலூர் வழியில் தவள குப்பத்திலிருந்து 7 கி.மீ. தொலைவிலும், புதுச்சேரி - விழுப்புரம் வழியில் அரியூரிலிருந்து 3 கி.மீ. தொலைவிலும் இத்தலம் உள்ளது.

சனி தோஷம் அகல

சனி கிரக தோஷத்தால் அவதியுறுபவர்கள் திருநாகேஸ்வரம் சமீபத்தில் உள்ள உப்பிலியப்பன் பெருமாளை வணங்கி பிரார்த்திக்க, அதிலிருந்து விடுபட முடியும்.

பதவி உயர்வு பெற 

திருத்தணியிலிருந்து சுமார் 12 கி.மீ. தூரத்தில் உள்ள நல்லாட்டூர் திருத்தலத்தில் காட்சி தரும் ஆஞ்சநேயருக்கு முறைப்படி பூஜை செய்வோர் உயர் பதவியை அடைவார்கள்.

கடன்கள் தீர 

கடன் வாங்கி அடைக்க முடியாத வர்கள்  நாடி வேண்ட வேண்டிய திருக்கோயில் பெங்களூர் விஸ்வேஸ் வரபுரத்தில் இருக்கும் பெரிய முருகன் கோயிலில் உள்ள, தனிச் சந்நதி கொண்டுள்ள பைரவருக்கு தேய்பிறை அஷ்டமியில் அர்ச்சனை புரிய, கடனிலிருந்து அவர்கள் விடுபட இயலும்.

ஞாபக சக்தி பெருக 

பெங்களூருவில் உள்ள கே.ஆர்.புரம் என்ற இடத்தில் (பேருந்து நிலையத்திலிருந்து சுமார் 14 கி.மீ.) கேம் பிரிட்ஜ் பள்ளிக்கு சமீபம் அமைந்துள்ள ஆலயத்தில் அன்னை காயத்ரி கொலு வீற்றிருக்கிறாள். தங்கள் ஞாபக சக்தி அபரிதமாக, அந்தக் கோயில் சென்று விசேஷ ஆராதனை, பூஜை புரிய அப்பேறு கிடைக்கும்.

கோரிக்கைகள் நிறைவேற 

பிறருக்கு பாதிப்பில்லாத நல்ல கோரிக்கைகளைக் கொண்டோர், அவை நிறைவேற நாட வேண்டிய திருக்கோயில் மேல்மருவத்தூரில் உள்ள ஆதிபராசக்தி பீடமாகும். அங்கு சென்று சிறப்பு பூஜைகளை அம்மனுக்கு செய்துவிட்டு பின்பு சில ஏழைகளுக்கேனும் அன்னதானம் புரிய நற்பலன் கிட்டும்.

கும்பகோணம் : கும்பகோணம் அடுத்த அம்மாச்சத்திரம் காலபைரவர் கோயிலில் காலபைரவர் அஷ்டமி பெருவிழா நேற்று நடைபெற்றது. தஞ்சாவூர் அரண்மனை தேவஸ்தானத்திற்கு சொந்தமான 88 கோயில்களில் ஒன்றாக விளங்குவது அம்மாச்சத்திரம் ஞானாம்பிகை சமேத சப்தரிஷீஸ்வரர் கோயில். இக்கோயிலில் உள்ள பார்வதி தேவியை சிவபெருமானுக்கு திருமணம் பேசி நடத்தி வைத்த சப்தரிஷிகளான மரீசி, அத்ரி, புலத்தியர், கிரது, ஆங்கிரசர், வசிஷ்டர், பரத்வாஜர் ஆகிய 7 பேரும் பூஜைகள் செய்து வழிபட்டதால் இத்தல சுவாமிக்கு சப்தரிஷீஸ்வரர் என்ற திருநாமம் பெற்றுள்ளது.

இத்தலத்தில் அம்பாள் ஸ்ரீஞானம்பிகை, பஞ்ச கன்னிகளாகிய மகேஸ்வரி, பிரம்மகி, வைஷ்ணவி, கௌமாரி, இந்திராணி ஆகிய இவர்கள் எழுந்தருளியிருப்பது  சிறப்பாகும். எந்த தலத்திலும் இல்லாத சிறப்பாக அம்பாள் சன்னதி எதிரில் 12 ராசிகள் கொண்ட தமிழ் எண்களுடன் கூடிய நவகிரக சக்கரம் உள்ளது. இங்கு எழுந்தருளி இருக்கும் ஸ்ரீகால பைரவர் சனிக்கு குருவாகவும், தெய்வமாகவும் விளங்கி காலத்தை இயக்குவதால் இவருக்கு காலபைரவர் என்று பெயர் பெற்றுள்ளது. இந்த பைரவரின் வாகனத்தின் முகம் வடக்கு நோக்கி இருப்பதால் பிதுர் தோஷங்கள் நீங்கும்.

இப்பைரவரை தேய்பிறை அஷ்டமியில் வழிபட்டால் அனைத்து நவகிரக தோஷத்திலிருந்து விடுபடுவார்கள் என்பது ஐதீகம். இந்த கோயிலில் காலபைரவர் அஷ்டமி விழா நேற்று நடைபெற்றது. விழாவினையொட்டி சுவாமி, அம்பாளுக்கு அபிஷேம் நடைபெற்றது. பின்னர் மாலை காலபைரவருக்கு ருத்ராபிஷேகம், மகா தீபாராதனை, சந்தனகாப்பு அலங்காரம் நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர். ஏற்பாடுகளை கோயில் நிர்வாகத்தினரும், கால பைரவர் வழிபாட்டு குழுவினரும் செய்திருந்தனர்.

செந்தலை

அனந்தகோடி கல்யாண குணங்கள் கொண்ட பரம்பொருளாகிய மஹாவிஷ்ணுவை ஆழ்வார்களும், மகான்களும், ரிஷிகளும் நேரில் கண்டுகளித்தனர். நம்மைப் போன்றவர்கள் வணங்கி அருள் பெற இப்பூவுலகில் ஸ்ரீமன் நாராயணன் சில தலங்களில் அர்ச்சாரூபமாய் விளங்கி சேவை சாதிக்கின்றார். அதில் செந்தலை எனும் இத்தலமும் ஒன்று. கிருத யுகத்தில் பிரம்மாவும், துவாபர யுக ரிஷிகளும், பிருகத் தச்சனும், கலியுகத்தில் சந்திரலேகை என்ற தேவதாசியும் பூஜித்துள்ளனர்.

இது  பிரம்மான்ய க்ஷேத்திரம் என்று அழைக்கப் படுகிறது. ஆதிகாலத்தில் சந்திரலேகை சதுர்வேதி மங்கலம் என்று அழைக்கப்பட்டது. பின்னர் மருவி  செந்தலை என்று மாறிவிட்டது. இக்கோயிலில் ஸ்ரீ பரிமளவல்லி தாயார் சமேத ஸ்ரீஅனந்த பத்மநாப பெருமாள் அருள்பாலிக்கிறார். இங்கு ஒரு சமயம் ஸ்ரீ அனந்த பத்மநாப பெரு மாள் தனக்கு தாகம் ஏற்பட்ட போது அதனை தீர்க்க ஆதி சேஷனை ஏவினார். பெருமாளின் மேற்கு புறத்தில் ஆதிசேஷன் பூமியை கொத்தியபோது தண்ணீர் பொங்கி வந்தது. அதிலிருந்து தண்ணீர் கொண்டுவந்து பெருமாளின் தாகம் தீர்த்தார், ஆதிசேஷன்.

அந்த இடத்தில் இன்றும் தீர்த்தக் கிணறு உள்ளது. இது அனந்த கிணறு என்று வழங்கப்படுகிறது. இங்கு பெருமாள் ஆதிசேஷன் உடல் மீது இல்லாமல் ஜபக் கோலத்தில் தவம் மேற்கொண்டு அருள்பாலிக்கிறார். இக்கோயிலில் பெருமாள் 7 அடி 9 அங்குல உயரத்தில் அமர்ந்த கோலத்திலும், ஸ்ரீதேவி, பூமிதேவி தாயார் 5 அடி 11 அங்குல உயரத்திலும் அமைந்துள்ளனர். ஸ்ரீ பரிமளவல்லி தாயார் அமர்ந்த கோலத்தில் தனிச் சந்நதியில் அருள்பாலிக்கிறார். கோயிலின் ராஜ கோபுரம் 25அடி அகலமும், 60 அடி உயரமும் உடையது.
மூலவரின் சந்நதி கிழக்கு முகமாக அமைந் துள்ளது. முதல் மண்டபத்தில் சொர்க்க வாசல், கருடாழ்வார், மகா மண்டபத்தில் ஆஞ்சநேயர், விஷ்வக்சேனர், மணவாளர், உடையவர் சந்நதிகளும், இரட்டை நாகம் கொண்ட சிவ ஸ்வரூபம், நர்த்தன கிருஷ்ணர் போன்றவையும் உள்ளன. பெருமாளின் திருத்தொண்டர்களில் ஒருவரான விஷ்வக்சேனர் சேனை முதலியார் என்று அழைக்கப்படுகிறார். சிவாலயங்களில் விநாயகருக்கு அளிக்கப்படும் முக்கியத்துவம் இவருக்கு இங்கு தரப்படுகிறது. இவரை வணங்கிவிட்டு தான் பெருமாளை வழிபட வேண்டும்.

இக்கோயிலில் அமைந்துள்ள அனந்த கிணற்றில் குளித்து பெருமாளை தரிசனம் செய்தால் நாகதோஷம் நீங்குகிறது. மழலை பாக்கியம் கிட்டுகிறது. பல ஆண்டுகளுக்கு முன்பு வைகுண்ட ஏகாதசி அன்று நாகம் ஒன்று கருடபகவான் மீது அமர்ந்து தரிசனம் தந்தது. அதனை விரட்ட கோயில் நிர்வாகிகள் முற்பட்ட போது ஒரு பெண்ணிற்கு அருள் வந்து 'நான் அர்த்தஜாம பூஜை வரை இங்கு இருப்பேன்' என்று கூறினார். இதனை ஏற்று இரவு பால்வைத்து வழிபட்டு கோயில் கதவை சாத்தி சென்றனர். மறுநாள் நாகம் சட்டை உரித்து சென்றது மட்டுமே காணப்பட்டது.

இக்கோயிலில் ஆடிப் பூரம், நவராத்திரி, தனுர் மாத பூஜை, வைகுண்ட ஏகாதசி, ஸ்ரீ ராமநவமி, அட்சய திருதியை போன்ற வைபவங்கள் விசேஷமாக நடைபெறும். கி.பி. 6 மற்றும் 7ம் நூற்றாண்டுகளில் விஜயநகர மன்னர்களின் தலைநகரமாக இது திகழ்ந்துள்ளது. சமீபத்தில்தான் மிகச் சிறப்பான முறையில்  கும்பாபிஷேகம் நிகழ்ந்தேறியது. ஆலயத் தொடர்புக்கு 94432 87288. தஞ்சை மாவட்டம், திருவையாறு வட்டத்தில் திருக்கண்டியூர் - திருக்காட்டுப்பள்ளி சாலையில் குடமுருட்டி ஆற்றின் தென்கரையில் பசுமையான வயல்கள், தென்னந்தோப்புகளுக்கிடையே இத்தலம் அமைந்துள்ளது.

SOOLAMANGALAM, TANJORE
சகல சவுபாக்கியம் தரும் தை அமாவாசை சூல விரதம் தஞ்சாவூர் அருகே உள்ள சூலமங்கலத்தில் அலங்கார வல்லி உடனுறை கிருத்திவாசேஸ்வரர் கோவில் உள்ளது. இங்கு தை அமாவாசையையொட்டி நடைபெறும் சூலவிரத சிறப்பு வழிபாடு பிரசித்தி பெற்றது ஆகும். சகல விதமான சவு பாக்கியங்களையும் அளிக்கக் கூடியது அஷ்ட மகா விரதங்களில் ஒன்றான சூலவிரதம். சூல விரதத்தை, சூரியன் மகர ராசியில் இருக்கும்போது அதாவது தை அமாவாசை தினத்தன்று அனுஷ்டிக்க வேண்டும். அன்றைய தினம் அதிகாலையில் விழித்தெழுந்து சூலபாணியாகிய சிவபெருமானை உள்ளத்தில் வணங்கி, வழிபட்டு, வெளியே சென்று சிவாலயத்திற்குள் இருக்கும் மங்கள தீர்த்தத்தில் நீராடி சந்தியாவந்தனம் முதலிய கர்மாக்களை நியமத்தோடு செய்து, பிறகு உமாதேவியோடு கூடிய சிவபெருமானின் விக்கிரகத்தை வைத்து கொண்டு அபஷேகமும், நைவேத்தியமும் செய்ய வேண்டும்.

பிறகு மதியம் வேளையில் திருநீறு, ருத்ராட்ச மாலைகளை தரித்த சிவ பக்தர்களுக்கு தன் பொருளாதார சக்திக்கு ஏற்றவாறு தான தர்மம் செய்ய வேண்டும். அதன் பின் சிவாலயத்திற்கு சென்று பிரதட்சிண வழிபாடுகள் செய்து திருக்கோவிலுக்கு நம்மால் முடிந்த காணிக்கைகளை செலுத்தி இறைவனை வணங்க வேண்டும். பிறகு சிவ பக்தர்களுடன் அமர்ந்து ஒரு வேளை மட்டும் உணவு உட்கொள்ள வேண்டும். இப்படி இச்சூல விரதத்தை யார் அனுஷ்டிக்கிறார்களோ அவர்கள் தங்களுடைய விரோதிகள் அனைவரையும் வென்று தீராத கொடிய நோய்களிலிருந்தும் விடுபட்டு தீர்க்க ஆயுள், புத்திர செல்வங்கள், தாங்கள் விரும்பிய பொருட்களை எல்லாம் அடைந்து சகல போக பாக்கியங்களையும் அனுபவித்து மகிழ்வார்கள். முடிவில் சிவசாயுஜ்யத்தையும் அடைவார்கள்.

தோஷ நிவர்த்தி பெறுவார்கள். இன்னும் ஏனைய பாவங்களில் இருந்தும் விடுபட்டு பரமேஸ்வரரின் திருவருளால் சகல ஐஸ்வர்யங்களையும் அடைவார்கள். ஆகையால் தவ சீலர்களே சகல பாவங்களையும் வேரோடு அழிக்க வல்ல இந்த சூல விரதத்தின் சிறப்பை பற்றி விளக்கும் இந்த அத்தியாயத்தை எவர்கள் படிக்கிறார்களோ அல்லது கேட்கிறார்களோ அவர்களுக்கு மிருத்யுவின் (மரணத்தின்) பயம் இராது.

சூலமங்கை தலம் அமைந்துள்ள இடம் 

கும்பகோணம் – தஞ்சாவூர் வழித்தடத்தில் அய்யம்பேட்டை மாற்று பாதையில் வந்து ரெயில்வே நிலைய சாலையில் திரும்பி சென்றால் வெகு சமீபத்தில் உள்ள சூல மங்கலம் என்னும் இவ்வூர் அமைந்துள்ளது. ஸ்ரீ அலங்கார வள்ளி உடனுறை ஸ்ரீ கிருத்திவாசேஸ்வரர் திருக்கோவிலே சூல மங்கை என்பதாகும். சூல மங்கை என்னும் இக்கோவிலின் திருப்பெயரே இவ்வூரின் பெயராகவும் வழங்கலாயிற்று. இப்போது மருவி சூலமங்கலம் என்று விளங்குகிறது. இக்கோவில் தலம் (சூலமங்கை) மூர்த்தி (கிருத்திவாசர்) தீர்த்தம் (சூல தீர்த்தம்) என்னும் 3–ம் கொண்டுள்ளது.

சூலமங்கை தலத்தின் சிறப்பு 

அஸ்திரதேவர் (சூல தேவர்) வழிபட்டு திருவிழா காலங்களிலும், தீர்த்த வாரியிலும் தான் முதன்மையாக விளங்க தக்க வரத்தை இறைவனிடம் பெற்ற தலம். சப்த மங்கையரில் சூல மங்கை வழி பட்ட தலம். பெரிய சிவாலயம், கல் திருப்பணி, ஊரின் பெயருக்கேற்றவாறு கோவில் வெளி வாயிலின் புறத்தில் சூலம் தலை மீது ஏந்தியவாறு சூல தேவர் உள்ளார். அஸ்திர தேவரால் வழிபாடு செய்யப்பட்ட சிறப்பு மிக்க இத்தலத்தில் தை அமாவாசையன்று, அதாவது சூல விரதத்தன்று இத்திருக்கோவிலில் விரதம் அனுஷ்டித்தல், வழிபாடு செய்தல், திருக்கோவிலை மெழுகிட்டு கோலமிடுதல், உழவார திருப்பணிகள் செய்தல், திருமுறைகள் பாடுதல், அன்னம் பாலித்தல், தான தர்மங்கள் செய்தல், திருக்கோவில் நித்திய பூஜைகள் தடைபடாமல் இருக்க உதவுதல், தினசரியோ, வார நாட்களிலோ தவறாது திருக்கோவிலுக்கு செல்லுதல், திருக்கோவில் பணியாளர்கள், சிவாச்சாரியார்களுக்கு தங்களால் இயன்ற உதவி செய்தல் போன்ற திருப்பணிகளை செய்வோமாயின் உலகத்தில் யாவரும் செய்திராத தவப்பயனும்,  ஒப்பற்ற யாகங்கள் செய்த பலனும் இந்த பிறவியிலே கிட்டுவதுடன், சிவ பெருமானின் அனுக்கிரக பார்வையில் நாம் இருந்து அனைத்து போகங்களும் கிடைக்க பெற்று சிவானந்த பெரு வாழ்வு வாழலாம் என்பது திண்ணம். 


நெமிலிச்சேரி

நெமிலிச்சேரி பசுமை நிறைந்த வயல்கள் சூழ்ந்த தொன்மையான கிராமம். நெமிலி என்றால் தெலுங்கில் மயில் என்று பொருள். நெமிலிகள் (மயில்கள்) அதிகமாக இருந்ததால் நெமிலிச் செருவு என்று அழைக்கப் பெற்று, நாளடைவில் அது நெமிலிச்சேரியாக மாறிற்று. இப்படியான பெயர் KA
ரணத்தோடு விளங்கும் நெமிலிச்சேரியில் ஆனந்தவல்லி சமேதராக அகஸ்தீஸ்வரர் அருள்பாலிக்கிறார். 950 ஆண்டுகளுக்கு முன் பதினெண் சித்தர்களில் ஒருவரான அகத்தியரால் உருவான ஆலயம் இது.

அன்றைய நாளில் நான்மறைகள் முறையாக ஓதப்பட்டு வழிபாடுகள் சிறப்பாக நடந்ததற்கு சான்றுகள் உள்ளன. பல்லவபுரமானது, வானவன் தேவி சதுர்தேவி மங்கலம் என்ற பெயரில் இருந்ததாக 11ம் நூற்றாண்டை ஒட்டிய சோழர் காலத்து கல்வெட்டு குறிப்பு ஒன்று கூறுகிறது. இன்னும் எழும்பூர் அருங்காட்சியகத்தில் அதற்கான கல்வெட்டு ஒன்று உள்ளதாக சொல்லப்படுகிறது. பல சித்தர்கள் இந்த இடத்தில் வாழ்ந்து வந்துள்ளனர். நெமிலிச்சேரி கிராமத்தில் எழுந்தருளியுள்ள அகஸ்தீஸ்வரர் ஆலயத்திற்கு 1930ம் ஆண்டில் வாழ்ந்த கோடர் முனுசாமி என்பவர் ஊர் மக்களின் ஒத்துழைப்புடன் கும்பாபிஷேகத்தை நடத்தியிருக்கிறார்.

இந்த ஆலயத்தில் நந்தி மண்டபம், விநாயகர் மண்டபம், மகா மண்டபம், சூரியன், பைரவர், நவகிரகங்கள், கோஷ்ட தெய்வங்கள் என சிவாலயத்திற்குரிய எல்லா சந்நதிகளும் அமையப்பெற்றுள்ளன. கருவறையில் எழுந்தருளியிருக்கும் அஸ்தீஸ்வரரை வழிபட்டால் சர்க்கரை நோய் குணமாகும் என்பது பக்தர்களின் அனுபவ நம்பிக்கை. அகஸ்தியர், சித்த மருத்துவ முறைகளை வகுத்தவர்களில் தலையானவர். ஆயுர்வேத சூத்திரங்களுக்கு விரிவாக உரை எழுதியவர் அவர்.

அத்தகைய சிறப்புக்குரிய இவர் மக்கள் பலன் பெறும் வகையில் வெவ்வேறு நோய்களை குணமாக்கும் சக்திவாய்ந்த சிவ ஆலயங்களை தன்னுடைய யோக சக்தியால் உருவாக்கி பிரதிஷ்டை செய்திருக்கிறார். எப்படி  போகர் சித்தர் நவபாஷாணத்தாலான பழநி ஆண்டவரை உருவாக்கினாரோ அதுபோல அகத்தியர் இந்த சிவலிங்கத்தை பிரத்யேகமான  முறையில் உருவாக்கி இருக்கிறார். நோய்களை தீர்க்கவும், தடைகளை தகர்க்கவும் சிறந்த பரிகாரத் தலமாக விளங்குகின்ற நெமிலிச்சேரி  அகஸ்தீஸ்வரரை வழிபட்டு அனைத்து நன்மைகளையும் பெறுவோமாக!

சென்னை - குரோம்பேட்டை ரயில் நிலையத்திலிருந்து கிழக்குப் பக்கம் இரண்டு கிலோ மீட்டர் தொலைவில் நெமிலிச்சேரி அமைந்துள்ளது.  
Jan M
INDIRANI WHO BOONS MARRIAGE

அம்பிகையின் பிறப்புறுப்பிலிருந்து தோன்றியவள் இந்திராணி. தன்னை வழிபடுபவர்களின் உயிரைப் பேணுவதும், அவர்களுக்கு நல்ல வாழ்க்கைத் துணையை அமைத்துத் தருவதிலும், அதேசமயம் முறையான காமசுகத்தைத் தருவதும் இவளே!. மணமாகாத ஆண்கள் இவளை வழிபட்டால், அவர்கள் மிகச்சிறந்த மனைவியையும், கன்னிப்பெண்கள் இவளை வழிபட்டால், மிகப்பொருத்தமான கணவனையும் அடைவார்கள். இந்திரனின் சக்தியான இவள் ரத்ன மகுடம் தரித்தவள். பொன்னிற மேனி உடையவள். நாற்கரத்தினள். சக்தி ஆயுதமும், வஜ்ராயுதமும் தாங்கி அபயகரம் காட்டுவாள். சத்ரு பயம் போக்குபவள். மாகேந்திரி என்ற பெயரையும் கொண்டவள். 

ABIRAMI ANTHATHI SLOKAM FOR MARRIAGE

திங்கட்பகவின்மணம் நாறும் சீறடி சென்னிவைக்க
எங்கட்கு ஒருதவம் எய்தியவா எண்ணிறந்த விண்ணோர் தங்கட்கும் இந்தத் தவமெய்துமோ தரங்கக்கடலுள் வெங்கட் பணியணை மேல் துயில்கூரும் விழுப்பொருளே.


பாற்கடலின் அலைகளுக்கிடையே கொடிய கண்களையுடைய பாம்பணையின் மேல் வைஷ்ணவி என்னும் பெயருடன் அறிதுயிலில் ஆழ்ந்திருக்கும் அன்னை அபிராமியே! பிறைநிலவின் மணம் வீசும் சிறந்த நின் திருவடிகளை எங்கள் சிரத்தின் மேல் கொள்ள எங்களுக்கு வாய்க்கப் பெற்ற பாக்கியம் வேறு தேவர்களுக்கும் வாய்க்குமோ. 

Murugan Joined The Broken Bones -Pamban Swamikal

பாம்பன் ஸ்ரீமத் குமரகுருதாச சுவாமிகள் (1850-1929) முருகப் பெருமான் ஒருவரையே முழு முதற் கடவுளாக வழிபட்டவர். மக்கள் துன்ப நீக்கமும், இன்ப ஆக்கமும் பெற வேண்டுமென்ற கருணை உள்ளத்தால் சாத்திரமாகவும், தோத்திர மாகவும் 6666 பாடல்களையும், 32 கட்டுரைகளையும் அருளியவர்.
உலக மக்கள் அறியாமையிலிருந்தும், விலங்கு உணர்வுகளிலிருந்தும் விடுபட்டு பண்பட்ட அன்புள்ளத்தோடு அறவாழ்க்கையைக் கடைப்பிடித்து, சாந்த சீலர்களாய், ஒழுக்கமுள்ள உத்தமர் களாய், மனித நேயம் கொண்டவராய் வாழவும், நாட்டில் ஒற்றுமையுணர்வு மேலோங்கி அமைதி நிலவவும், அறிவுரை வழங்கி, நல்வழி வகுத்துத் தந்த அருளாளர். 

சுவாமிகள் சீடரான தமிழ்த்  தென்றல் திரு.வி.க. அவர்கள் தன் குரு வணக்கத்தில் பாம்பன்  சுவாமிகளைத் ''தமிழ்ப் பொழிலே, அன்பு கொழி திரையே, தெய்வத் திறங்கண்ட அறநிலையே, செகத்திலுற்ற கூம்பலற எழுகதிரே, நீதி ஓம்புக வெ ன்றுரைத் தொழுகி உலகில் வாழ்ந்த உயர் குமரகுருதாச ஒளியே போற்றி'' என்று புகழ்ந்துள்ளார்கள். சுவாமிகள் இசைத் தமிழிலும், இயல் தமிழிலும் சிறந்து விளங்கியவர். ‘இவர் வடமொழிக் கடலையும், தென்மொழிக் கடலையும் ஒருங்கே உண்ட  காளமேகன்' என்றார் திரு.வி.க. 

பல தெய்வ வழிபாட்டினைக் கண்டித்து ஒன்றே குலம், ஒருவனே தேவன் என்ற கருத்துடையவர். ஆன்ம நெறிக்குத்  தடையாய் இருப்பது சாதி அபிமானமே என்று உரைத்தவர். சாதி வேறுபாடுகளை அறவே வெறுத்தவர். பொய்யினில் முனிவு கொண்டவர். சீவகாருண்யத்தைப் பெரிதும் போற்றியவர். ஒரு மூட்டைப்பூச்சி சிறுவனால் கொல்லப்பட்டதைக் கண்டு அவனைக் கண்டித்து மனம் வருந்தி அன்று பூராகவும் உணவு உட்கொள்ளாமல் இருந்தவர். இறைவன் படைப்புகள் அனைத்தும் முக்கியமானவை என்றும், உடல் உருவத்தில் வேறுபட்டாலும் உயிர் அடிப்படையில் சமம் என்று கருதியவர். 

மிகுந்த தமிழ்மொழிப் பற்றுக் கொண்டவர். வடமொழியே கலவாத தூய தமிழில் சேந்தன் செந்தமிழ் என்ற நூலை இயற்றிய வர். ''சேமமுற வேண்டுமெனில் தெருவெல்லாம் தமிழ் முழக்கம் செழிக்கச் செய்வீர்'' என்று அறிவித்தவர். 'சேந்தன் செந்தமிழ்' என்ற நூலுக்கு பேராசிரியர், டாக்டர் மு.வரதராசனார் அவர்கள் வரைந்த முகவுரையில் கூறியதாவது: 'நுண்மாண் நுழைபுலக் கருத்துகள் பல அமைந்த நூலும், உரையும் உள்ள அமைப்பு இதுவரையில் தமிழ்மொழி வரலாற்றில் இல்லையெனலாம்'.

''இரை தேடுவதோடு இறையைத் தேடு'' என்று சுவாமிகள் அறிவுறுத்தினார்கள். சுவாமிகளின் பாடல்கள் வேதம், உபநிடதம், ஆகமம் சைவ, சமய சாத்திரம் தோத்திரம் முதலியவற்றின் நுட்பங்களைக் கொண்டன. சித்திரம், மதுரம், வித்தாரம், ஆசு எனும் நால்வகைக் கவிகளை யாத்தார்கள். ஒரு பாடலை 125 பாடலாக மாற்றி இரண்டரைக் கடிகைக்குள் ''பஞ்சவிம் சதி அதிக சதிபங்கியை'' அருளினார்கள். இவருடைய பாடல்கள் 20க்கும் மேற்பட்ட பண்களில் அமைந்துள்ளன. இவை மந்திரசக்தி வாய்ந்தவை. 

ஐந்திலக்கண அமைதியிற் பொலிவும், காவியச் சுவையும் மிக்கவை. இவற்றை உள்ளத்தூய்மையுடன் ஓதி உடற்பிணியிலிருந்தும், துன்பத்திலிருந்தும் விடுபடுவர் பலர். பாம்பன் சுவாமிகளின் பாடல்கள் முருகப் பெருமானால் அங்கீகரிக்கப்பட்டவை. ஓர் எடுத்துக்காட்டு: பாம்பன் சுவாமிகள் அருளிய பஞ்சாமிர்த  வண்ணப் பாடலை இரண்டு வேதியர்கள் திருச்செந்தூர் கவுண்ட மண்டபத்தில் நாள்தோறும் பாராயணம் செய்யும்போது ஒருநாள் அழகான ஓர் இளைஞன் இப்பாராயணத்தைக் கேட்டு மகிழ்ந்ததை அங்குள்ள மூதாட்டியிடம் சொன்னதாகப் பாம்பன் சுவாமிகள் 'பெருவேண்டுகோள்' என்றும் பதிகத்தில் குறிப்பிட்டுள்ளார்.

''பரிவாளர்கள் அங்கு ஓது ஒரு பஞ்சாமிர்த வண்ணம்
இரியா எனது உளம் நச்சு இனிதாம் என்றொரு கிழமைப்
பெரியாள் முனம் வந்து ஓதிய செந்தில் பெருமானே
வரிமாமறை இறைவா! எனை மறவேல்''.


''நான் பாடுபாட்டை நவில்பவர்க்கு நலம் நல்காய்'' என்னும் ''எனைத் தள்ளினாலும் எனை நம்பினவர்த் தள்ளேல்'' என்றும் பாம்பன் சுவாமிகள்  முருகப் பெருமானைத் துதித்து, உலகவர்க்காகவே வேண்டும் அருள்நிலை பரமாசாரியராகவும், சமுதாய மேம்பாட்டு சிற்பியாகவும் திகழ்ந்தவர். முருகப் பெருமானைக் கனவிலும், நினைவிலும் பலமுறை தரிசித்தவர். 1894ம் ஆண்டு மார்ச் மாதத்தில் ராமநாதபுரத்தை அடுத்த பிரப்பன் வலசை என்ற சிற்றூரிலுள்ள மயானத்தில் ஆறு அடிச் சதுரக்குழியில் 35 நாட்கள் ஊண், உறக்கமின்றி, தொடர்ந்து நிட்டை செய்து முருகப் பெருமானை நேரில் தரிசித்து அவரிடம் உபதேசம் பெற்றார். 

பாம்பன் சுவாமிகள் இந்த தெய்வீக அனுபவத்தை 'தகராலய ரகசியம்’ (1896 வருடம்) என்ற  தம்முடைய நூலில் விவரித்துள்ளார்கள். ‘‘35 நாள்காறுந் தனிநிட்டை காத்திருந்த ஞான்று கௌபீன தாரியாய் வெளிப்பட்ட இறைவன், எமக்கொரு  மொழியினுணர்த்தியருளினன்'' என்று இந்நூல் பாயிரத்தில் சுவாமிகள் கூறியுள்ளார்கள். 

மயூரவாகன சேவனம்:

அவர்களின் தூய பக்தியையும், அவர்கள் இயற்றிய ஷண்முக கவசத்தின் மகிமையையும், முருகப் பெருமான் தம் மெய்யடியார்களுக்கு அருளும் கருணையையும் மக்கள்  அறியும் வண்ணம் சென்னையில் முருகப்பெருமான் ஒரு திருவிளையாடல் புரிந்தார். உருத்ரோத்காரி ஆண்டு மார்கழித் திங்கள் 12ம் நாள் (27-12-1923) வடசென்னை, தம்புச் செட்டித் தெருவில் வேகமாக வந்த குதிரை வண்டி சுவாமிகளின் மீது மோதியதால் அவர்களின் இடைக்கால் எலும்பு முறிந்து விட்டது ரத்தப் பெருக்கோடியது. சுவாமிகள் கலங்கவில்லை. மருத்துவம் செய்து குணப்படுத்தி வாழ நினைக்கவில்லை. 

இத்துடன் உடற்பற்றும், உயிர்ப்பற்றும், உலகப்பற்றும் ஒருங்கே ஒழிந்துவிட்டன என்றும், மீண்டும் பிறவித்துன்பம் வாராது என்றும் எண்ணி முருகப் பெருமான் திருவடி மலர்களையே சிந்தித்து மகிழ்ந்தார்கள். இந்த விபத்தைக் கண்ணுற்ற சுவாமிகளின் அன்பர் சுவாமிகளைச் சென்னை அரசு பொது மருத்துவமனையில்  11ம் எண்ணுள்ள மன்றோ வார்டில் சேர்ந்தார். சுவாமிகள் 73 வயதுக்கு மேற்பட்டவர் என்பதாலும், உப்பு அற்ற உணவையே உண்பவர் என்பதாலும் அவர்களின் முறிந்த எலும்பு ஒன்று சேராது என்றும் அறுவைச் சிகிச்சையைச் செய்ய வேண்டும் என்றும் ஆங்கிலேய மருத்துவர்கள் கருத்துத் தெரிவித்தார்கள். 

மருத்துவமனையில் சேர்ந்த 11ம் நாள் இரவில் முருகப் பெருமானின் பெரிய மயில் ஒன்று தனது தோகையை நல்ல வட்ட வடிவமாக விரித்து, அழகிய வானை மறைத் தும், இதன் இடப்பக்கத்தில் உடன் வந்த மற்றொரு மயிலுடன் சேர்ந்து நடனமாடிய அழகிய காட்சியைச் சுவாமிகளுக்கு முருகப்பெருமான் காட் டியருளினான். மயில்களின் கால்கள், தரையில் பதியவில்லை. அவை பொன்மய பச்சை நிறமாக இருந்தன. இந்நிகழ்ச்சியை சுவாமிகள் ‘அசோகசாலவாசம்' என்னும் நூலில் விளங்கியுள்ளார்:

''விண் மகிழ்ந்திட, வேல்விடு வேள்மயில் கண்மகிழ்ந்து எழல் தாசற்குக் காட்டினான்; மண் மகிழ்ந்திட, மாகம் மகிழ்ந்திட எண் மகிழ்ந்த பன்னொன்றின் இராவிலே'' அம்மயூரவாகனக் காட்சியானது தன்னை விட்டு மறைதலைக் கண்டு, மீண்டும் இது போன்றொரு காட்சி எவ்வாறு கிடைக்கும் எனத் திருவருளைச்  சிந்தித்து சுவாமிகள் அழுதார். அவர் மனம் மகிழுமாறு ஓர் இரவில் செவ்வேட் பரமன் ஒரு சிவந்த நிறக் குழந்தை வடிவில் தோன்றி சுவாமிகள் படுத்திருந்த படுக்கையிலேயே தானும் தலை வைத்துக் காலை நீட்டிப் படுத்திருந்தான். 

அத்திருக்காட்சியைக் கண்ட சுவாமிகள் குழந்தையாக வந்தவன் முருகப் பெருமானே எனும் நுட்பத்தை அறிந்த பின்பு அவன் மறைந்துவிட்டான். ‘தன்னைவிட்டு நீங்கவில்லை என்று குழந்தை வடிவாய் காட் சியளித்தால் தன் உள்ளம் களிப்பு கொண்டுள்ளதாயினும், இவ்வுலகில் இறப்பேன் என்று உறுதிகொண்டு களித்துள்ள தன்னை இம்மண்ணுலகில் இருக்கும்படி செய்துள்ள பாங்கைத்தான் அறிந்திலேன்’ என்று உலக வாழ்வை எண்ணாத சுவாமிகள் முருகப்பெருமான் திருப்பெயரைப் பலமுறை  ஓதினார். 

உயிரையும், உடம்பையும் ஷண்முகனே கவசமாக இருந்து காப்பான் என்ற உறுதியுடன் ஷண்முக கவசம் பாடியருளிய சுவாமிகளின் காலே முறிந்து விட்டது என்று எண்ணி உலகம் வேலிறைவனை இழிவாகப் பேசுமோ என்றும், அவ்வாறு பேசாமல் இருப்பதற்கு என்ன தடையைக் கருதுவேன் என்றும் பெரிதும் கவலைப்பட்டார். ஆனால், அரசு மருத்துவமனையில் உள்ள மருத்துவர்கள் எக்ஸ்ரே படங்கள் எடுத்து ஆராய்ந்தபோது எலும்பின் ஒடிந்த பகுதி கூடி வருவதைக் கண்டு ஆச்சரியமுற்றனர். இன்னும் பதினைந்து நாட்களுக்குள் புண் ஆறிவிடும். 

அதுவரையிலும் மருத்துவமனையை விட்டுச் செல்லக்கூடாது என்ற நாதம் முருகப் பெருமானிடத்திலிருந்து சுவாமிகள் மகிழும்படி தோன்றியது. அம்மருத்துவமனையில் வேலை பார்த்து வந்த உயர் அதிகாரியான ஓர் ஆங்கிலேய பெண்மணி சுவாமிகளிடம் சென்று, ‘‘உணவில் உப்பை முற்றிலும் நீத்த தங்களின் கால் குணமாகியது பெரும் வியப்பாக உள்ளது’’ என்று அன்புடன் கூறினாள். வானம் இடிந்து தலையில் விழும்படி வம்பு வந்தாலும் அந்தக் கானமயில் முருகையன் திருவருள் கைவிட மாட்டாதே என்று தாம் அருளிய போதனையில் உறுதியாக இருந்தார் சுவாமிகள். 

பிறகு மருத்துவமனையை விட்டு தம் சீடர்கள் இல்லத்தில் தங்கினார். சுவாமிகளின் முறிந்த கால் குணமானது கண்டு அன்பர்கள் மகிழ்ச்சி கொண்டனர். முன்பு காலனை (இயமனை) உதைத்த சிவபெருமானின் மகனாக நிலை பெற்றாய் என்றும், அவனது காலை அடைக்கலம் அடைந்தவரை நன்கு காத்தருளினாய் என்றும், தனது முறிந்த காலை நன்கு குணம் பெறச் செய்தாய் என்றும் கூறி இனி எக்காலத்திலும் அவனுடைய காலைத் தனக்கு அளித்தருள்வாயாக என்றும் சுவாமிகள் வேண்டினார்.

முன்காலை உதைத்தவன் கால் முளையாய் நின்றாய் பின்காலை அடுத்த வரைப் பெரிதும் காத்தாய் என் காலை இனிது அளித்தாய்; இனி எஞ்ஞான்றும் நின்காலை எனக்கு அளி என்றான் அந்நீத்தோன் இந்த அற்புத தெய்வீக நிகழ்ச்சி, மேற்கண்ட மருத்துவமனை 11ம் வார்டில் 26-12-1981ல் டாக்டர் இரத்தினவேல் சுப்பிரமணியம் அவர்களால் திறக்கப்பட்ட கல்வெட்டில் குறிக்கப்பட்டுள்ளது. அக்குறிப்பின் வாசகங்கள் வருமாறு: 'பாம்பன் ஸ்ரீமத் குமரகுருதாச சுவாமிகள் கால் முறிவுண்டு சென்னை பொது மருத்துவமனையில் 11வது வார்டு (மன்றோ வார்டு) 11வது படுக்கையில் 27-12-1923 அன்று சேர்க்கப்பட்டு அறுவை சிகிச்சை செய்து குணப்படுத்த ஏற்பாடு செய்யப்பட்டிருந்தது. 

முருகப்பெருமான் திருவருளால் 11ம் நாள்  இரவு (6-1-1924) வளர்பிறைப் பிரதம திதியும், பூராட நட்சத்திரமும் சேர்ந்த நன்நேரத்தில் சுவாமிகள் மயில் வாகனக் காட்சி கண்டு, அறுவை  சிகிச்சை இல்லாமலே பூரண குணம் பெற்றார். அந்நாள் மயூர வாகன சேவன விழாவாக ஒவ்வோராண்டும் சுவாமிகள் காலம் தொடங்கி  விமர்சையாக கொண்டாடப்பட்டு வருகிறது.'' இப்பதிவுக்கல் அம்மருத்துவமனையில் 11ம் வார்டில் பாம்பன் சுவாமிகள் திருவுருவ படம் அருகில்  உள்ளதை இன்றும் காணலாம். 

இவ்விழாவைத் தொடர்ந்து கொண்டாடுவது சுவாமிகளால் 1926ல் நிறுவப்பட்ட மஹாதேஜோ மண்டல சபையினரின் கடமை என தாம் ஏற்படுத்தி  பதிவு செய்யப்பட்ட வில்சாசனத்திலும் (17-7-1926) வில் அனுபந்த சாசனத்திலும் 19-12-1927ல்  விளக்கமாகக் கூறியுள்ளார்கள். 30-5-1929 அன்று காலை 7.15 மணிக்குச் சுவாமிகள் யாவரும் அறியவே சுவாசத்தை உள்ளுக்கு இழுத்தார்கள். அது நிகழ்ந்தது சுக்கில வருடம் வைகாசி மாதம் அமரபட்ச சஷ்டி திதியும் அவிட்ட நட்சத்திரமும் கூடிய சுபவேளையாகும். 

மறுநாள் 31-5-1929ல் அடியார்கள் திருப்புகழ் ஓதியும், விருதுகளைத் தாங்கியும் புடைசூழ, தீவட்டி, மத்தாப்பு முதலிய ஒளி செய்ய, மிக அழகியதொரு புஷ்ப விமானத்தில் சுவாமிகள் எழுந்தருளி காலை  8.15 மணிக்கு சென்னை, திருவான்மியூர் சேர்ந்து சமாதி நிலையத்தில் அமர்ந்து அருள்பாலித்து வருகிறார்கள். அச்சமாதி நிலையத்தில் சுவாமிகளால்  நிறுவப்பட்ட மஹாதேஜோ மண்டல சபையினர் தொடர்ந்து வழிபாடு செய்து வருகின்றார்கள்.

Anjaneya Mahimai

ந்து கடவுள்களில் ஒவ்வொரு தெய்வத்துக்கும் ஒரு சில வழிபாடுகள் முக்கியமானதாக கருதப்படுகிறது. இதில், ராமரின் தூதராக இருந்த அனுமானுக்கு என,  பிரத்யேக வழிபாடுகளும், கோவில்களும் பல இடங்களில் அமைந்துள்ளது. மனித முகத்துடன் எழுந்தருளும் கடவுள்களை விட இதுபோன்று மிருக முகமும்,  மனித உடலுடன் கூடிய தெய்வங்களான நரசிம்மர், அனுமன், விநாயகர் ஆகிய தெய்வங்களுக்கு பக்தர்கள் கூட்டம் அதிகம். அதிலும், பிரம்மசாரி கடவுளாக  வழிபடும் ஆஞ்சநேயருக்கு தமிழகம் மட்டுமின்றி கர்நாடகாவிலும் 732 கோவில்கள் அமைந்துள்ளன.

இந்த கோவில்களில் மிகவும் சிறப்பு வாய்ந்ததாக கருதப்படுவது கர்நாடக மாநிலம், பெங்களூர் மைசூர் ரோட்டில் பேட்டராயனபுராவில் அமைந்துள்ள காலி  ஆஞ்சநேயர் கோவில். பொதுவாக ஆஞ்சநேயருக்கு, அனுமன், வாயு குமாரன், மாருதி என பல பெயர்கள் இருந்தாலும், இங்கு எழுந்தருளியுள்ள ஆஞ்சநேயரை  காலி ஆஞ்சநேயர் என்றே பக்தர்கள் அழைக்கின்றனர். தமிழிலில் உள்ள காற்று என்ற சொல்லை கன்னடத்தில் 'காலி' என்று சொல்லப்படுகிறது. காற்றான வாயு  தேவனின் மகனாக அனுமான் கருதப்படுவதால் இந்த பெயர் குறிப்பிடப்படுகிறது.

பக்தர்கள் மனமுருகி பிரார்த்தனை செய்தால், காற்று போல் வந்து குறைகளை நிவர்த்தி செய்வதாக நம்பப்படுகிறது. வைசாராய பேரரசு ஆட்சி செய்த போது  இக்கோவில் கட்டப்பட்டதாக நம்பப்படுகிறது. ஆரம்பத்தில் சிறியதாக இருந்த இக்கோவில் தற்போது பெரிய அளவில் அமைந்துள்ளது. கோவிலில், பல்வேறு 'சுதே'  சிற்பங்களுடன் கூடிய கோபுரம் அழகுற எழுந்துள்ளது. இதில், ஸ்தபதியின் கைவண்ணத்தை கண்கூட காண முடியும். கோவிலில் இருந்து உள்ளே நுழைந்ததும்,  சுவரில் புடைப்பு சிற்பங்கள் எழுந்தருளியுள்ளன. அதனுடன், அழகிய தூண்களுடன் கூடிய மண்டபமும் அமைந்துள்ளது.

மூலவராக ஆஞ்சநேயர் வழிபட்டாலும், பிரதான மூர்த்தியாக திருமலை வெங்கடேசனை போன்று சத்ய நாராயண பெருமாளாக அருள்பாலிக்கிறார். பவுர்ணமி  தினத்தில், இவரை வழிப்பட்டால் நன்மை நடக்கும் என்பது ஐதீகம். காசி, ராமேஸ்வரம், திருப்பதி, திருமங்கலக்குடி, பூவனூர், சென்னை நங்கநல்லூர் ஆஞ்சநேயர்  கோவில் போன்று இக்கோவிலிலும் பக்தர்களுக்கு பூஜிக்கப்பட்ட ரட்சை வழங்கப்படுகிறது. சத்யநாராயணரின் கையில், மஞ்சள் கட்டிய கயிறு ரட்சையாக  பக்தர்களுக்கு கட்டப்படுகிறது. இதற்காக, நீண்ட வரிசையில் நின்று பக்தர்கள் கட்டி கொள்கின்றனர்.

சத்யநாராயணர், சங்கு, சக்கரம், கதை, பத்மம் ஆகியவற்றுடன் நின்ற கோலத்தில் அருள் பாலிக்கிறார். சாந்தம், காருண்யம்,  ஆனந்தம் மலர்ச்சி ஆகியவை  நிறைந்த திருமுக மண்டலத்தில் அழகு வசிக்கிறது. இங்கு, வழிப்படும் மக்கள் உப்பு, காரம் சேர்க்காத உணவை படைத்து வழிபடுகின்றனர். இக்கோவிலில்,  குழந்தை வரம், தடைப்பட்ட திருமணம் நடப்பது உள்ளிட்ட அனைத்திற்கும் வழிபாடு நடத்தினால் நிச்சயம் கைக்கூடும் என்பது நம்பிக்கை. மேலும், தடைப்பட்ட  காரியங்களும் இவரை வழிபடுவதால் தங்கு தடையின்றி நடக்கும் என்பதால் பக்தர்கள் அதிகளவில் வருகின்றனர்.

இங்கு புடைப்பு சிற்பமாக மூலவரான 'காலி' ஆஞ்சநேயர் எழுந்தருளி அருள்பாலிக்கிறார். பக்தர்களை நோக்கும் கண்கள், முறுக்கு மீசை, வலது கையை மேலே  உயர்த்தி அபயம் தருவது போலும், இடது கையை இடுப்பில் சவுகாந்திகா மலருடன் இருப்பது போன்றும், வால் வளைந்து நுனியில் மணி கட்டியபடி  அருள்பாலிக்கிறார். இவருக்கு செந்தூரம் கொண்டு அலங்காரம் செய்யப்படுகிறது. புத்திகூர்மை, சோம்பல் நீக்கி, எதிர்ப்பு விலகி வெற்றி பெற இவரை  வணங்குகின்றனர். இதனுடன், வாகனங்களில் பாதுகாப்பு பயணம் செய்ய இவரை வழிபடுகின்றனர்.

கோவிலில், வல பக்கம் சீதா தேவியுடனும், இடப்புறம் தம்பி லட்சுமணனுடனும் கல்யாண ராமரும், விநாயகர், நவகிரகங்கள் என பரிவார தெய்வங்களும் இங்கு  அருள்பாலிக்கிறார். கோவிலில், 9 நெய் தீபம் ஏற்றி, தொடர்ந்து 48 நாட்கள் தலா 48 சுற்றுகள் சுற்றி வழிபட்டால் நினைத்த காரியம் கைக்கூடும் என்பது  நம்பிக்கை. பவளமல்லி மாலை இங்கு அணிவிக்கப்படுகிறது. பவுர்ணமி, சனிக்கிழமைகளில் கோவிலில் பக்தர்கள் கூட்டம் அலை மோதும். அப்போது, சிறப்பு  வழிபாடும் நடத்தப்படுகிறது.

கோவில் வழிகாட்டி:

பெங்களூரில் இருந்து மைசூர் செல்லும் வழித்தடத்தில் இக்கோவில் உள்ளது. கெங்கேரி செல்லும் பஸ்கள் இந்த வழித் தடத்தில் இயக்கப் பகின்றன. பஸ்வசதிகள்  மட்மின்றி வாகன வசதிகளும் உள்ளன. கோவிலில் விசேஷ நாட்களில் பூஜை நேரத்தில் மாற்றம் இருக்கும். சாதாரண நாட்களில், காலை 7.00 மணி முதல் 12.00 மணி வரையும், மாலை 4.30 மணி முதல் இரவு 8.00 மணி வரையும் கோவில் திறந்திருக்கும்.
Each of the gods or worship the Hindu deity, a few considered importa

SEVVAI DOSHAM PARIHAARAM

அன்னை பராசக்தி தேவி சிவனை நோக்கி கடும் தவம் செய்யும்போது போது தவ உக்கிரத்தின் வெளிப்பாடாக மண்ணில் விழுந்த அன்னையின் வியர்வைத்  துளியிலிருந்து செவ்வாய் பிறப்பெடுக்கிறார். பராசக்தி தேவியால் வளர்க்கப்பட்டு தக்க வயதில் பரத்வாஜ முனிவரிடம் கல்வி கற்க அனுப்பப்படுகிறார். செவ்வாய்  கிரகம் சிவந்த நிறம் கொண்டது. 

பவளம், துவரை, நெருப்பு பயம், துவேசம், கடன், சோரம், சுய சிந்தனை, வீரியம், உற்சாகம், ஆடு, சேனைகளின் தலைமை, அதிகாரம், இனம்தாழ்ந்த நிலைப்பாடு,  ஆயுள் குறைவை ஏற்படுத்துதல், விபத்துக்கு துணை போன்ற பல பொறுப்புகளை பெற்றிருந்தாலும் ரத்த அணுத் தொடர்பில் வம்ச விருத்திக்கு காரண  கர்த்தாவாக விளங்குகிறார். ரத்தத் தொடர்பில் முக்கியமானதே திருமண பந்தம் எனும் குடும்ப வாழ்க்கை. குடும்ப வாழ்க்கையின் ஆரம்பமாக அமையும்  திருமணப் பந்தத்திற்கும் செவ்வாய்க்கும் முக்கிய பங்கு உள்ளது. எனவே தான் திருமணப் பொருத்தத்தில் செவ்வாய் தோஷம் அனைவரையும் பயமுறுத்துவதாக  அமைகின்றது.

திருமண தோஷம்:

ஒருவரது ஜனன ஜாதகத்தில் விதி எனப்படும் லக்கினத்திற்கும், மதி எனப்படும் சந்திரனுக்கும் அதாவது ராசிக்கும் சுகம் எனப்படும் சுக்கிரனுக்கும் அந்த  ஜாதகத்தில் பதிவாகும் செவ்வாயின் இடத்திற்கும் உள்ள உறவைக் கொண்டுதான் செவ்வாயின் தோஷம் எந்த அளவு ஒருவருக்கு வேலை செய்கிறது என்பதை  உணரலாம். கல்யாணத்திற்கு பெரும் தடையாக இருக்கும் முக்கிய தோஷமாக இது கருதப்படுகிறது. ஒருவருக்கு செவ்வாய் தோஷம் இருந்து மற்றொருவற்கு  செவ்வாய் தோஷம் இல்லை எனில் அவர்களுக்கு திருமணம் செய்யக்கூடாது என சோதிடம் கூறுகிறது. 

லக்கனம், சந்திரன், சுக்கிரன் முதலியவைகளுக்கு 2,4,7,8,12, ஆகிய இடங்களில் செவ்வாய் இருந்தால் செவ்வாய் தோஷ ஜாதகமாகக் கருத வேண்டும். 
அப்படி மீறித் திருமணம் செய்தால் செவ்வாய் தோஷம் உள்ளவர்களுக்கு செவாய் தெசை நடைபெற்றால் அக்காலத்தில் துணைவர் துணைவியை இழக்க  வேண்டிய நிலை வரும் என சோதிடம் கணிக்கிறது. 2, 4, 7, 8, 12 ஆகிய இடங்களில் செவ்வாய் உள்ள எல்லோருக்கும் செவ்வாய் தோஷம் என்று கூறிவிட  முடியாது. இதற்கு சில விதிவிலக்குகள் உள்ளன. மேஷம், விருச்சிகம், மகரம், கடகம் ஆகிய வீடுகளில் செவ்வாய் இருந்தால் தோஷம் வலிமை குன்றி  தோஷமில்லை என்ற நிலை ஏற்படும். 

2  ம் இடம் மிதுனம், அல்லது கன்னி ஆகி செவ்வாய் இருந்தாலும் தோஷமில்லை.
4  ம் இடம் மேஷம், விருச்சிகம் ஆகி செவ்வாய் இருந்தாலும் தோஷமில்லை.
7  ம் இடம் கடகம், மகரம் ஆகி செவ்வாய் இருந்தாலும் தோஷமில்லை.
8  ம் இடம் தனுசு, மீனம் ஆகி செவ்வாய் இருந்தாலும் தோஷமில்லை.

விதவைப் பெண் :

7ம் இடத்தில் உள்ள செவ்வாய் சூரியன் சேர்க்கை பெற்றால், சூரிய தசை அல்லது செவ்வாய் தசையில் அவள் விதவையாவாள். மூன்று அசுபர்கள் 7ம் இடத்தில்  அமையப்பெற்றால் அந்தப் பெண் மாங்கல்ய பலம் இழந்து விடுவாள். 8ம் இடமான மங்கல்ய ஸ்தானத்தில் செவ்வாய், சனி, ராகு, கேது, போன்ற அசுபர்கள்  அமையப்பெற்றாலும் விதவையாகி விடுவாள். 7ம் இடத்தில் சனி, செவ்வாய் போன்ற அசுபர்கள் இணைந்து இருந்தால் இளவயதில் மாங்கல்ய பலம் இழக்க  நேரிடும்.

விவாகரத்து :


மங்கையர்களின் ஜாதகத்தில் 7ம், 8ம் இடங்கள் கெட்டிருந்தாலும் லக்கினாதிபதி, 7ம் இடத்திற்கு அதிபதி 6, 8 போன்ற மறைவிடத்தில் இருந்தாலும்,
12ம் இடத்தில் ராகு, 6ம் இடத்தில் கேது அமையப் பெற்ற பெண்களும், 7ம் இடத்தில் நீச கிரகம் இருந்து சுபரால் பார்க்கப்பட்டாலும் விவாகரத்து அமையப்  பெறும். பொதுவான எல்லாப் பரிகாரங்களையும் இடம், பொருள், காலம் இந்த மூன்றையும் தெரிந்து கொண்டு தான் செய்ய வேண்டும். 

சுபமான பரிகாரங்களை வளர்பிறைகளிலும், துயர், கட்டுக்கள் நீக்கும், அதாவது துக்ககர பரிகாரங்களை தேய்பிறையிலும் செய்ய வேண்டும். குளக்கரை,  கிணற்றங்கரை, நதிக்கரை, கோசாலை, சிவாலயங்கள், விஷ்ணு சந்நிதி, பிரும்ம சமூக மத்தி, சமுத்திர க்ஷத்திரம், அருவிக்கரை, குருமுகம், குருபாதுகா ஸ்தலம்,  குரு ஆலயம் இந்த இடங்களில் எல்லாம் சுபமான பரிகாரங்கள் செய்து நற்பலன்களை நிரம்ப அடையலாம். 

பலன் தரும் பரிகாரங்கள்:

துவரை தானம்:

உடைக்காத முழுத்துவரையை சிகப்புத்துணியில் பொதி கட்டிக் கொள்ள வேண்டும், வெற்றிலைப் பாக்கு, மஞ்சள், பழம் இவைகளுடன் சிவந்த கண்களையுடைய  (சரக்கு அடித்தால் அல்ல) வேதியரிடம் தானம் கொடுக்க வேண்டும்.

வாழைப்பூத் தானம்:

முழு வாழைப்பூ, அதே மரத்தில் காய்த்த பழம், அதே மரத்தில் கிழக்கு நோக்கிய நுனி இலை இவைகளை எடுத்துக் கொண்டு இந்த நுனி இலையில் இவைகளை  வைத்துத் தானம் வாங்குபவனை நடு வீட்டில் அமரச் செய்து வெற்றிலைப் பாக்கு, மஞ்சள் துணி இவைகளுடன் தானம் செய்ய வேண்டும். இந்த இரண்டு  தானங்களும் திருமணத் தடங்கலைத் தீர்த்து வைக்கும் தானங்கள்.

பரிகார காலம்:

செவ்வாய்க் கிரகம் அவரவருடைய ஜாதகத்தில் எந்த இடத்தில் இருக்கிறதோ அந்த இடத்துக்குரிய கிரகங்களின் நாட்களில் செய்வது சிறப்பு. பொதுவாகச்  செவ்வாய்க் கிழமையிலும் செய்யலாம். ஜென்ம நட்சத்திரத்தன்று பரிகாரம் செய்வது ஒத்துக் கொள்ளப்பட்டது. இதில் பல உட்பிரிவுகளும், விதிவிலக்குகளும்  உள்ளன. 

பரிகாரம் செய்யவேண்டுமெனப் அதிகப்பணம் செலவு செய்யாதீர்கள். அன்னதானம் செய்யுங்கள். உடை தானம் செய்யுங்கள். துவரை, வாழைப்பூ தானம்  செய்யுங்கள்.

செல்ல வேண்டிய கோவில்கள் 

சுப்ரமணியசுவாமி, சென்னிமலை, ஈரோடு.

சங்கமேஸ்வரர், பவானி, ஈரோடு. 

அமிர்தகடேஸ்வரர், மேலக்கடம்பூர், கடலூர்.

வீரபத்திரர், அனுமந்தபுரம், காஞ்சிபுரம்.

கந்தசுவாமி, திருப்போரூர், காஞ்சிபுரம். 

மலையாள தேவி துர்காபகவதி அம்மன், நவகரை, கோயம்புத்தூர். 

கல்யாண கந்தசுவாமி, மடிப்பாக்கம், சென்னை. 

அகஸ்தீஸ்வரர், வில்லிவாக்கம், சென்னை. 

தேனுபுரீஸ்வரர், திருப்பட்டீசுவரம், தஞ்சாவூர்.

அருணஜடேசுவரர், திருப்பனந்தாள், தஞ்சாவூர்.

கைலாசநாதர், கோடகநல்லூர், திருநெல்வேலி. 

அகோர வீரபத்திரர், வீராவாடி, திருவாரூர். 

வைத்தமாநிதி பெருமாள், திருக்கோளூர், தூத்துக்குடி. 

விருப்பாச்சி ஆறுமுக நயினார், தீர்த்த தொட்டி, தேனி. 

வைத்தியநாதர், வைத்தீசுவரன் கோயில், நாகப்பட்டினம். 

விருத்தபுரீஸ்வரர், திருப்புனவாசல், புதுக்கோட்டை.

நாகம்மாள், கெங்கமுத்தூர் பாலமேடு, மதுரை. 

திருவாப்புடையார், செல்லூர் மதுரை, மதுரை. 

பிரளயநாதசுவாமி, சோழவந்தான், மதுரை. 

சுப்பிரமணியர் காங்கேயன், காங்கேயநல்லூர், வேலூர்.

Siva darisanam

திருமாதலம்பாக்கம்

தெய்வ பலம் பெற்ற சான்றோர்கள் நிறைந்த தொண்டை நாட்டின் திலகம் என புகழப்படும் காஞ்சிபுரம், ஏழு புண்ணிய நகரங்களில் முக்கியத்துவம் பெற்ற புனித நகரம். அந்த காஞ்சிபுரத்திலிருந்து 20 கி.மீ. தொலைவில் அமைந்துள்ளது, திருமாதலம்பாக்கம். எழிலார்ந்த சோலைகள் நிறைந்த சிற்றூரான இங்கு சோழர்கால பாணியில் சிறப்புடன் திகழ்கிறது பொன்னிறங் கொண்ட சுயம்பு திருமாலீஸ்வரர் ஆலயம். இரண்டாயிரம் ஆண்டுகள் புராதனமானது. ஈசனது அட்டவீரத்தலங்களுள் ஒன்றான திருவிற்குடி எனும் இடத்தில் ஜலந்திரன் எனும் அசுரனை ஈசன் அழித்தார். 

அந்த ஜலந்திரன் தோன்றியது  இந்த திருமாதலம்பாக்கத்தில்தான். திருமந்திரத்தில் ‘சிவனொடு ஓங்கும்...’ என்ற பாடலில் இத்தல ஈசனைப் பாடியுள்ளார், திருமூலர். திருஞானசம்பந்தர், நாவுக்கரசர், சுந்தரர் ஆகிய மூவராலும் பாடப்பெற்ற பெருமை கொண்டது. காஞ்சி புராணத்தில் ‘ஒருபொரு கொச்சகம்’ எனும்  பகுதியில் இத்தலத்தின் பெருமை 26 பாடல்களில் விளக்கப்பட்டுள்ளது. இத்தல ஈசனை வழிபட்டு ஜலந்திரன் அரிய வரங்கள் பல பெற்றான். இந்த ஈசனை திருமாலும் ஸஹஸ்ரநாமங்களால் அர்ச்சனை செய்து வழிபட்டுள்ளார். 

நான்முகன், அஷ்டதிக்பாலகர்கள், ரேணுகாதேவி, பரசுராமர், ஜமதக்னி, கார்த்தவீர்யன் போன்றோர் வழிபட்டு பல அரிய வரங்களை பெற வழிவகுத்துத் தந்த தலம். கிரக தோஷம், புத்திர தோஷம், வாஸ்து தோஷம், ப்ரம்மஹத்தி தோஷம், நோய், திருமண தோஷம், மாங்கல்ய தோஷம், ஷஷ்டாஷ்டக தோஷம், 
சர்ப்ப தோஷம் முதலானவை இத்தல ஈசனை தரிசித்தாலேயே நீங்கும் என்பது ஐதீகம். துளசி, நெல்லி, அகத்தி போன்றவை இங்குதான் தோன்றின என்பது வியக்க வைக்கும் தகவல். இந்திரனின் சாபம் விலகிய தலம்.

திருமால்+தலம்+பாக்கம் என்று பிரித்து திருமால் இங்கு விரும்பி வந்து உறையும் தலம் என்றும், திருமால் பெருவிருப்பினொடு ஈசனை இங்கு வழிபட்டு மனக்கவலை அகன்று மனோபலம் பெற்ற தலம் என்றும் தலபுராணம் கூறுகிறது. திரு+மா+தலம்+பாக்கம் என்று பிரித்து, திருமகள் மனமகிழ்ந்து உறையும் தலம் என்றும், மங்களம் நிறைந்த மாபெரும் தலம் என்றும் பொருள் கூறுவர். கருவறையில் திருமால் வழிபட்ட ஈசன், கோடி சூர்ய பிரகாச ஒளி கொண்டு பொன்னிறப் பொலிவுடன் காட்சி தருகிறார். 

எனவே, இவரை பொன்னிறம் கொண்ட திருமாலீஸ்வரர் என்றும் அழைத்து பக்தர்கள் வழிபடுகின்றனர். இத்தலத்தில் அருளும் ஸ்ரீநிவாசப் பெருமாள் தன்வந்திரி பகவானின் அம்சம் கொண்டவராக விளங்குகிறார். பல அரிய மூலிகைகளால் உருவாக்கப்பட்ட பெருமாள் நம் உடலில் ஏற்படும் நோய்களை தீர்த்து வைத்து அருள்கிறார். இதற்கு ஆதாரமாக பெருமாளுக்கு அபிஷேகம் செய்யப்படும் பால் நீல நிறமாகி விடுவதைக் காணலாம். பாற்கடலில் பள்ளி  கொள்ளும் நீலமேக ச்யாமளனை இத்தலத்தில் நீலமேகனாகவே தரிசிக்கும் வாய்ப்பு நமக்குக் கிட்டுகிறது. 

இந்த பெருமாளுக்கு தொடர்ந்து 11 ஏகாதசிகள் அல்லது 11 சனிக்கிழமைகளில் அபிஷேகம் செய்து அந்தப் பாலை பிரசாதமாக உட்கொண்டால் நோய்கள் நீங்குவதாக நம்பிக்கை.ஆலயத்தின் தெற்கே உள்ள வெளிச் சுவரில் மிகவும் தேய்ந்த நிலையில் காணப்படும் கல்வெட்டிலிருந்தே ஆலயத்தின் தொன்மையை அறிய முடிகிறது. திருப்பணிக்காக பூமியைத் தோண்டியபோது எலி வாகனம் இல்லாமல் விநாயகர் மற்றும் சப்தமாதர்கள் திருவுருவங்கள் கிடைத்திருக்கின்றன. வேண்டும் வரம் தரும் திருமாலீஸ்வரரையும், திருமாலையும் தரிசித்து வளமான வாழ்வருள பிரார்த்தனை செய்வோம்.

Mullaa kathaikal

முல்லா அவசரமாக ஒரு விலங்கு வைத்தியரிடம் வந்தார்.
அவருடன் அவருடைய நாயும் இருந்தது.
வைத்தியர் முல்லாவிடம் நலம் விசாரித்து விட்டு நாய்க்கு உடல் நலம் இல்லையா எனக் கேட்டார்.
முல்லா
, ''நாய் நன்றாகத்தான் இருக்கிறது.
ஆனால் அதன் வாலை முழுமையாக நறுக்கி விட வேண்டும்
,'' என்றார்.
மருத்துவருக்கு ஒன்றும் புரியவில்லை
,'  'முல்லா, உன் நாய் அழகாக இருக்கிறது.
அதன் வாலை அறுத்தால் மிக அசிங்கமாக இருக்கும். ஏன் அதன் வாலை நறுக்க வேண்டும் என்கிறாய்
?
தயவு செய்து அதன் வாலை நறுக்க வேண்டாம்,'' என்றார்.
முல்லா வைத்தியரின் காதருகே குனிந்து
, ''நமக்குள் இந்த ரகசியம் இருக்கட்டும், யாரிடமும் சொல்ல வேண்டாம். 
நாளை என் வீட்டிற்கு என் மாமியார் வருகிறார்.
எனக்கு அவரைக் கொஞ்சமும் பிடிக்காது.
எனவே அவர் வரும்போது அவரை வரவேற்பதற்கான அறிகுறிகள் எதுவும் இல்லாதபடி ஏற்பாடு செய்து விட்டேன்.
ஆனால் இந்த நாய் மாட்டும் அவர் வரும்போது வாலை ஆட்டி வரவேற்பு தெரிவித்து விடும்.
அதற்காகத்தான் இந்த ஏற்பாடு
,'' என்றார்.

ஒரு தடவை முல்லா நசுருதீனிடம் அவருடைய நன்பன் கிண்டலாக , “ நசுருதீன், உன்னுடைய மனைவி இரவில் தன்னுடைய காதலனுடன் உன்னுடைய மாந்தோப்பில் காதல் புரிந்து கொண்டிருக்கிறாள் “ என்று சொன்னான்.
முல்லா கம்பீரமானார். “ எப்போது அவள் வ்ருகிறாள் ? “ என்று கேட்டார்.
“ இங்கு ஏறத்தாழ இரவு ஒருமணிக்கு” என்றான் அவன்
அந்த நாள் நசுருதீனின் பொழுது மன அமைதியற்றுக் கழிந்தது. இரவு உணவுகூட சாப்பிடவில்லை.இரவு பத்து மணி அடித்தது. தனது துப்பாக்கியை எடுத்துக் கொண்டு தோட்டத்திற்குச் சென்று ஒரு மரத்தின் மறைவில் உட்கார்ந்து கொண்டார். “ இன்று அவர்கள் இருவரையும் தீர்த்துக் கட்டுவது “ என்று முடிவு செய்திருந்தார்.
நேரம் போய் கொண்டே இருந்தது.
அவரது மனைவியும் வரவில்லை. அவளது காதலனும் வரவில்லை.
இரவின் அமைதியில் ஒரு மணி அடித்தது.
அப்போதுதான் அவருக்கு நினைவு வந்தது. “ தனக்கு திருமணம் ஆகவில்லை “ என்பது
ஓஷோ : மனிதன் கனவிலேயே வாழ்கின்றான் , இந்த கனத்தில் வாழ்வதில்லை

முல்லாவுக்கு ஒரு பால்கன் பறவை கிடைத்தது. அது புறாவைப் போல இருக்கும். முல்லா இதற்கு முன் இப்பறவையைப் பார்த்ததில்லை. அவருக்கு இப்பறவையின் அகண்ட தாடையும், வளைந்த அலகும் அதிக அளவில் இருக்கும் சிறகும் ரசிக்கத் தக்கதாக இல்லை.
''என்ன இருந்தாலும் புறாவின் அழகு வருமா? ஏ பறவையே,உன்னையும் புறா போல அழகாக ஆக்குகிறேன்,''
என்று கூறிக்கொண்டே, அதிகமாகவுள்ள இறகுகளைப் பிய்த்தெடுத்தார். வளைந்த அலகை ஒரு சிறு உளி கொண்டு செதுக்கி வளைவைக் குறைத்தார்.
ஒரு கத்திரியை எடுத்து அதன் அகண்ட தடையின் அளவைக் குறைக்க முயன்றார்.
பின் திருப்தியாக,' 'இப்போதுதான் நீ புறா போல அழகாக இருக்கிறாய்,'' என்றார்.
மனிதர்கள் அனைவரும் இப்படித்தான் இருக்கிறோம். நம்மிடம் இருந்து யாரேனும் ஏதாவது விசயத்தில் மாறுபட்டு இருந்தால், அது சரியா, தவறா என்று பார்க்காமல் நம்முடைய கருத்துக்கு ஏற்றார்போல அவர்களையும் மாற்ற முயற்சி செய்கிறோம்.
பால்கன் பறவையின் அழகை ரசிக்கத்தவறிய முல்லா போல, நாமும் மற்றவர்களிடம் உள்ள நல்ல விசயங்களை ரசிக்கத் தவறி விடுகிறோம். நம்மிடமிருந்து வித்தியாசமாக இருந்தால் அதை ஒரு தவறாகவே கருதுகிறோம்; அதை நம்மால் பொறுத்துக்கொள்ள முடிவதில்லை. நம் வழிக்கு அனைவரும் வரவேண்டும் என எதிர்பார்க்கிறோம். இதனால் தான் பிரச்சினைகளே!.
நம் பால்கன் பறவையை பால்கனாகவே பார்க்க வேண்டும்
முல்லாவிற்கு அன்றுதான் திருமணம் முடிந்திருந்தது.புதுமனைவி மற்றும் உறவினர்களுடன் தனது ஊருக்கு புறப்பட்டார்.வழியில் பெரிய ஆற்றை கடந்து செல்லவேண்டும்!ஒரு பெரிய் படகில் மனைவி மற்றும் உறவினர்களுடன் ஆற்றை கடந்துசெல்ல புறப்பட்டார்கள்.படகு நடுஆற்றை கடக்கும் போது பெரிய சுழல்க்காற்று வீசி படகு அங்கும் இங்குமாக் தள்ளாடியது.முல்லாவை தவிர அனைவரும் பயத்தால் அலறி கொண்டிருந்தனர். முல்லா மட்டும் அமைதியாக இருந்தார்.இதை பார்த்த முல்லா மனைவிக்கு மிகவும் ஆச்சரியம்!முல்லாவிடமே கேட்டுவிட்டாள்.முல்லா பதில் ஏதும் பேசாமல் மனைவி அருகில் சென்று தன் இடுப்பில் இருந்த கூரிய கத்தியை எடுத்து தன் மனைவியின் கழுத்தில் வைத்தார்.மனைவி எவ்வித சலனுமுமின்றி இருந்ததை கண்ட முல்லா மனைவியை பார்த்து இந்த அபயகரமான கத்தியை பார்த்து உனக்கு பயமில்லையா? என கேட்டார்.அவரது மனைவி,”கத்தி வேண்டுமானால் அபயகரமானதாக இருக்கலாம்.ஆனால் அதை கையில் ஏந்தி இருப்பவர் எனது அன்பான கணவர்” என்றாள்.உடனே முல்லா பதிலளித்தார்,”அதுபோலத்தான் ஆற்றில் உருவான சூறாவளி அபயகரமானதாக இருக்கலாம்.ஆனால் அதை உருவாக்கிய அல்லா என் மீது அன்பு கொண்டவர் நமக்கு எந்த தீங்கும் நேரிடாது என்றாராம்!! ந்ம்பிக்கையே வாழ்க்கை
மன்னர் முல்லாவுக்கு ஒரு வீட்டுப் பகுதியை அன்பளிப்பாகக் கொடுத்தார்.
அந்த வீட்டுக்கு மாடி உண்டு. அந்த மாடிப்பகுதியை மன்னர் ஒரு படைத் தளபதிக்கு அன்பளிப்பாகக் கொடுத்திருந்தார்.
மாடியில் இருக்கும் படைத் தளபதியின் மனைவி அடிக்கடி கல் உரலில் மாவு இடிப்பாள்.
அந்தச் சமயத்தில் கீழ் வீட்டில் இருக்கும் முல்லாவுக்கு பெரிய தொந்தரவாக இருக்கும்.
மாவு இடிக்கும் போது வீடே அதிரும். இடியோசை மாதிரி சப்தமும் கேட்கும்.
முல்லா இரண்டு மூன்று தடவை படைத் தளபதியைச் சந்தித்து கொஞ்சம் மெதுவாக மாவு இடிக்கு மாறு அவர் மனைவிக்குச் சொல்லுமாறு கேட்டுக் கொண்டார். படைத் தளபதிக்கோ கோபம் வந்து விட்டது.
இது மன்னர் எனக்காக அளித்த வீடு. ஆகவே இது எனக்குச் சொந்தமானது. என் வீட்டில் என் மனைவி எப்படி வேண்டுமானாலும் மாவு இடிப்பாள். அதைக் கேட்பதற்கு நீ யார் ? என்று முல்லாவை அதட்டி அனுப்பி விட்டார்.
மறுநாள் முல்லா கீழே உள்ள தன் வீட்டுப் பகுதியில் கடப்பாறையைக் கொண்டு இடித்துக் கொண்டிருந்தார்.
கீழே என்ன செய்கிறாய் ? என்று படைத் தளபதி மாடியில் இருந்து அதட்டினார்.
கீழ்ப்பக்கம் இருக்கும் என் வீட்டை முற்றிலுமாக இடித்துத் தள்ளிவிட்டுப் புதிதாக கட்டத் தீர்மானித்திருக்கிறேன் என்றார் முல்லா.
அதைக் கேட்டு அதிர்ச்சி அடைந்த படைத் தளபதி என்னைய்யா முட்டாளாக இருக்கிறீரே, கீழ்வீடு முழுவதையும் இடித்தால் மேல் வீடு என்ன ஆகும் என்று யோசித்தீரா ? என்று கோபத்தோடு கேட்டார்.
மேல் வீட்டைப் பற்றி நான் ஏன் கவலைப்பட வேண்டும். எனக்குச் சொந்தமான வீட்டை நான் இடிக்கிறேன். இதில் தலையிட யாருக்கும் உரிமை இல்லை என்று கூறி விட்டு முல்லா சுவரை இடிக்கத் தொடங்கினார்.
பதறிப்போன படைத்தளபதி முல்லாவிடம் சமரசம் பேச முற்பட்டார்.
நாம் இருவரும் ஒருவருக்கொருவர் சண்டை போட்டுக் கொள்ளாமல் ஒருவரை யொருவர் அனுசரித்தச் செல்வதுதான் நல்லது. நாம் இருவரும் நண்பர்களாக இருப்போம் என்றார் தளபதி.
நான் எப்போதுமே யாருக்கும் நண்பன்தான்! என்று கூறிவிட்டு முல்லா சிரித்தார்.

ஒருமுறை முல்லாவுக்கு எதிராக நீதிமன்றத்தில் வழக்கு பதிவு செய்யப்பட்டிருந்தது
பல மனைவிகள் இருந்ததாக முல்லா மீது குற்றச்சாட்டு இருந்தது. ஆனால் அதைநிரூபிக்க எவ்வித ஆதாரமும் இல்லை.
முல்லாவில் வழக்கறிஞர், “நீ அமைதியாக இரு.ஒரு வார்த்தைகூட பேசாதே. மற்றதை நான் பார்த்துக் கொள்கிறேன்,” ... என்றார்.
முல்லாவும் அப்படியே அமைதியாக இருந்தார். மனத்தின் உள்ளே அமைதியாக இருந்ததால் ஒரு புத்தரைப் போல முல்லா காட்சி தந்தார்.
வழக்கை விசாரித்த நீதிபதி, “சாட்சிகள் இல்லாத்தால் உன்மீதான குற்றச்சாட்டை தள்ளுபடி செய்கிறேன். நீ வீட்டுக்குப் போகலாம்,”... என்றார்.
அதுவரை அமைதியாக இருந்த முல்லா, வழக்கு வெற்றியாக முடிந்த மகிழ்ச்சியில் ” நீதிபதி அவர்களே! எந்த வீட்டுக்கு நான் போவது ?” என்று கேட்டார்
ஒரு தடவை முல்லா சில பொருட்கள் வாங்குவதற்காக சந்தைக்குச் சென்றார்.
அங்கே ஒரிடத்தில் பத்துப் பதினைந்து பேர் கும்பலாகக் கூடி எதைப்பற்றியோ விவாதித்துக் கொண்டிருந்தனர்.
இங்கே என்ன நடக்கிறது? என்று முல்லா விசாரித்தார்.
நல்ல சமயத்தில் வந்தீர் முல்லா அவர்களே.. நாங்கள் ஒரு விஷயத்தைப் பற்றி ஆராய்ச்சி செய்து கொண்டிருக்கிறோம், ஆனால் எங்களில் யாருக்குமே எங்கள் ஆராய்ச்சி பற்றி ஒரு முடிவுக்கு வரமுடியவில்லை. எங்கள் சந்தேகத்தைத் தீர்த்து வைக்கிறீரா ? என்று கூட்டத்திலிருந்த ஒருவர் கேட்டார்.
உங்கள் சந்தேகம் என்ன ? என்று முல்லா கேட்டார்.
உண்மை .. .. ..
உண்மை என்ற எல்லோரும் பிரமாதமாகப் பேசுகிறார்களே, அந்த உண்மை என்பது என்ன ? என்று கூட்டத்திலிருந்த ஒருவர் வினா எழுப்பினார்.
முல்லா பெரிதாகச் சிரித்தார், இந்தச் சின்ன விஷயம் உங்களுக்கு விளங்கவில்லையா ? உலகத்தில் எந்த ஒரு மனிதனும் சிந்திக்கவோ - பேசவோ - செயற்படவோ விரும்பாத ஒரு வரட்டுத் தத்துவந்தான் உண்மை என்று கூறிவிட்டு முல்லா அந்த இடத்தை விட்டு நகர்ந்தார்.